ماذا تعرفى عن اتيكيت نشر الغسيل ؟

اتيكيت نشر الغسيل:لا يوجد شخص لا ينشر غسيله فلازم يكون له اتيكيت طبعا,

اولا فى بعض النصائح الهامة لازم تتبعيها:

1-تنفضى الاحبال جيدا.

2-تكنسى الارض(لأن لو ملابس وقعت مش فى الباى باى).

3-من فترة لفترة اغسلى المشابك بوضعها فى ماء به اريال واتركيها فترة قليلةاذا كانت بلاستيك وفترة قليلة جدا اذا كانت خشب واغسليها ووزعيها على قماشة فى الشمس الى ان تجف.

4-لازم تقلبى كل الهدوم على ظهرها(عشان لوعاصفة ترابية هبت اوالمشابك مش نظيفة او العلامات بتاعت المشابك متظهرش)

5-لازم تلمى كل المشابك بعد ماتلمى وتضعيها فى مكان مقفول وبعيد عن متناول الاطفال.

6-تلمى الالوان الفاتحة مع بعض والغامقة مع بعض والاسود مع بعض والابيض مع بعض.

7-مهم اوى تكون عندك عزيمة قوية اوى ليظهر غسيليك فى ابهى منظر(وعلى فكرة انا امى ربنا يجزيها كل خير عودتنى على ذلك منذ الصغر فالان عادى جدا انى اعمل ده كل مرة بل الطبيعي)

8-عندما تأتى لتفريغ الملابس من الغسالة فى طبق الغسيل قسميهم كل نوع مثل ماسوف نذكر كل على جنب.

9-عندما تأتى لتلمى الغسيل بعد ان جف لا تكوريه بل قومى بطيه (لان الملابس المنزلية لا تكوى فلماذا تكرمشيها..؟وكمان تأخذى كام دعوة من والدتك)

10- عندما تأتى امك لتقوم بطى الملابس ساعديها فى ذلك وقومى ايضا بمساعدتها فى وضعها بالخزانة.

ثانيا نبتدى الاتيكيت:

الكلام ده لو الغسلة فاتحة او غامقة بس مش ابيض ومش اسود دول لهم تعامل خاص.

1-اول حبل بيكون هدوم البيبى لو عندك.

_لو معندكيش بيبي يبقى الحبل الاول ده للتى شيرتات (تتنشر من نهايتها ومتتشدش عشان مطموتش وتبوظ بترخيها سنة بسيطة-بيكون ظهر التى شيرت من امام يعنى الناس يشوفوا الظهر)

2-لما تخلصى التى شيرتات تعملى القمصان (بتفكى الازراروبتنشريها من النهاية عندالخطان بتوع الظهر وطبعا الظهر من امام والفتحة من خلف).

3-لما تخلصى القمصان تنشرى البنطلونات(البنطلون الكلاسيك اللى ميتمطش يتنشر من الاقدام والبنطلون اللى يطمط مثل:الرياضى يتنشر من الوسط)

4-بعد البنطلونات تنشرى الجلاليب الرجالى اولا(بتتنشر من تحت الابط او من الذيل اذا بدك تنشف بسرعة)والعبايات النسائى والمنزلى تانيا(بتتنشر زى الجلاليب الرجالى).

5-بعد العبايات تنشرى الحاجات التى لم اقولها سابقامثل:الطرح -الفوط.

6-ثم تنشرى الجوارب (الجورب الخفيف يوضع الزوجان معا وينشروا بمشبك قوى من عند طرف القدم ليس من عند الاستيك اما الجورب الثقيل فينشر كل فردة وحدها ايضا من عند طرف القدم)

7-ثم تنشرى الملابس الداخلية الرجالى اولا ثم الحريمى(بتمسكى الاندر معدول عادى ثم تمسكى الجنب وتنشريه بالجنب اما التوب (بتنشريها من وسط الكبين بمشبك خفيف شوية عشان لايقطع الستان)

8-كده الحمد لله خلصتى النشير(الغامق او الفاتح) حطى طبق الغسيل مكانه والمشابك مكانها وظبطى الستائر. ونشير ممتع ان شاء الله (لو سمحتم اريد دعوة بظهر الغيب واتشرف بردكم).

المووضوع منقول من أحد المواقع

لو اريج متكلمتش عالغسيل مين هيتكلم ههههههههههههههههههههههه

ههههههههههه

ماشى يا دينار .. اما نشوف هتكلمينى عن ايه ؟!

ماذا تعرفى عن اتيكيت نشر الغسيل ؟ 650269930